Día nº3

Luns, 2 de febreiro do 2015.

Hoxe dedicamos a clase a introducir e xustificar a nosa actividade mediante a lei de educación vixente, a LOMCE. Con isto  plantexamos o proxecto "Xornal escolar dixital" segundo as especificacións referentes a obxectivos, contidos, criterios de avaliación, estándares de aprendizaxe e competencias correspondentes a área de Lingua e Literatura Galega do terceiro curso de Educación Primaria.

Tras facer un primer bosquexo da nosa actividade, proseguimos coa súa contextualización, elixindo unha escola cunhas características determinadas e nun lugar concreto.

Tamén, comezamos a plantexar as actividades para realizar cos nosos alumnos para traballar nas diferentes seccións do noso xornal, conseguindo así que traballen todas as competencias.

Respecto ao grao de dificultade, a realización da contextualización foi a que máis dificultade nos xerou polo feito de que non tiñamos moi claro como facela, pero coa colaboración de todos conseguimos facelo.